यहाँ खेतको खोजीमा खेताला लाग्छ
र डेराको खोजिमा डेरावाला लाग्छ
हामीले भने संजीवनी बुटी सम्झीयौं
जुन भासणले यो देशमा पखाला लाग्छ
आज हजुरको घाँटीको मालालाई के बुझौं
राष्ट्रिय दिवसमा सालिकमा माला लाग्छ
आउनुस हजुरले पनि कुल्चेर जानुस
ज जसलाई यो छाती रंगशाला लाग्छ
~ बिद्या निर्दोष पहाडी ~
Bidhya Nirdosh Pahadi
सुत्नु अघि र उठ्नु अघि ओखती चाहिन्छ
उनलाई श्रीमान अनि मलाई श्रीमती चाहिन्छ
तपाईहरुले गलत बुझ्नु हुन्छ मलाई थाहा छ
अनुहार हेरेरै भन्न सक्छु कसलाई कति चाहिन्छ
~ विनायक अधिकारी ~
Binayak Adhikari
सिद्धि विनायक अधिकारी
Australia
दिल फगत् मैले चढाए थेँ नजर होला भनी
यो दरदले त्यो दर्दमा क्यै असर होला भनी ।
निर्दयी झैँ झन् हृदय टुकडा गर्यौस तरवारले
थाहा थिएन दर्दले तडपी हृदय रोला भनी।
एक म छु कि जुल्म सब हाँसी हाँसी सहिरहेछु
एक तिमी छौ कि दया गरछौ दगा होला भनी ।
एक म छु कि नजरको आँसु पनी साँचिरहेछु
एक तिमी माया बगाउने विरहको खोला बनी ।
फूलको काँढा पनि भमराको निम्ति चिज छ
छैन दृष्टि यो नजरमा विरहले छोला भनी ।
आँसु तक हुन्न निगाह हेर मेरो दुर्भाग्य यो
आँसुको जलले ‘जिगर’को विरह क्यै धोला भनी ।
~ उपेन्द्रबहादुर 'जिगर' ~
Upendra Bahadur Jigar
उपेन्द्रबहादुर 'जिगर' ‘एक सय एक गजल’ (वि.सं. १९९६) |
गोर्खाली नाउँ हेर बद्नाम होई नजाओस
पुर्खा को यो फुलबारी मसान होई नजाओस
कौन जातिको हामि कस्तो भई रहनु पर्छ
बिर्सेर आफ्नो गौरब अन्जान होई नजाओस
बराल छ यस्तो जाली मित्र लाई दिन्छ गालि
गोर्खाली चाल छाडी बदनाम होई नजाओस
~ बहादुर सिंह बराल ~
Bahadur Singh Baral
|
बहादुर सिंह बराल जन्म: १८९० अप्रिल २७ हिमान्चल प्रदेश, भारत बरालको आँसु (गीत, गजल, र भजन संग्रह, सन् १९३४) |
चमन चमन सुमनहरु फुलाउँदै अघि बढौं
उठौं तरुण मनहरु हँसाउदै अघि बढौ
महानगर या उपमहानगर गली शहर शहर
यो देशलाई स्वर्ग झैं सजाउँदै अघि बढौं
~ सदाब हलवाई ~
Sadab Halwai
Nepalganj
तिमि भन्छौ सिन्दुर चुरा गाजल ल्याउने
म भन्दैछु जिन्दगिमा फेरबदल ल्याउने
के कमि छ के कुरा गर्नु छ ए जमाना
के जरुरि पर्यो म जस्तो पागल ल्याउने
सम्पति देखाएर अन्तिम कोशिस गरि हेरौं
मुर्दा घरका लासहरुमा हलचल ल्याउने
~ मुना बोहोरा ~
Muna Bohora
सिमाना बनायो आफ्नै परिधि बनायो
उसले घर घेरेर आफैंलाई कैदी बनायो
बिग्रेको कुरा कति मिठो हुने रहेछ
साथिले बिग्रेको दुध बाट रसबरी बनायो
दुखमा सबै भन्दा बाँसले दिने रहेछ
फेदले लास बोक्यो टुप्पोले मुरली बनायो
जिन्दगि के हो भनि सोधिएको प्रश्न पत्र
उत्तर कर्ता ले जला एर सबै खरानी बनायो
लडाकुले शत्रुको खुट्टा भाँचेको बन्दुकलाइ
आफ्नो खुट्टा भाँचीए पछि बैसाखी बनायो
~ हरि गिरी ~
Hari Giri
दिल जलाई जलाई लेखि रहेछ
एउटा चिट्टी मलाई लेखि रहेछ
स्वतन्त्रता र समानताका कुरा
उ सरकारलाई लेखि रहेछ
आफ्नै घरमा आगो लगाएर
बाहिर भाई भाई लेखि रहेछ
शब्दहरुले अघाएको हुनु पर्छ
कबि खाँदै नखाई लेखि रहेछ
~ डा. सुधा शाही ~
Dr. Sudha Shahi
तिमीलाई मायाँ गर्दा म त रित्तो प्याला बनेंछु
हराई जाने बाटोमा म त बन्द ताला बनेछु
~ डा. नबराज सुब्बा ~
Dr. Nawaraj Subba
बिछाएर आँखा म पर्खि रहेछु
भन्यौ तिमीले र म फर्की रहेछु
कतै भोकमा छु कतै शोकमा छु
हिजो भन्दा झन् आज चर्की रहेछु
शिरानी छ साथि म झस्कन्छु राती
ओभना छन् आँखा म दर्की रहेछु
चलेकै छ मनमा उही भुँईचालो
छु एक्लै शहरमा र थर्कि रहेछु
~ ज्ञानु विद्रोही ~
Gyanu Bidrohi
ए जिन्दगी तिमी पिर नगर त्यसरी हुँदैन
यो बादलले पनि आकाशलाई नछोडी हुँदैन
तिमी म भित्र छौ भन्नु मिथ्या हो भ्रम हो
ऐनाको भित्र पट्टि को हुन्छ कोही हुँदैन
हजुरको धर्म काट्नु हो काट्न नछोड्नु
हाम्रो गर्धन थाप्ने बानि छ नथापि हुँदैन
चुडाल्नु पर्ने त दाम्लो हो बाँचेरै चुँडालिन्छ
तिमीले चाहे जस्तो आजादी मरे पनि हुँदैन
~ हुकुम धड्कन ~
Hukum Dhadkan
तिमी आँसु गाना गबेलीहरुमा
बग्यौ छलकिंदै परेलीहरुमा
यही झुपडीमा म बस्ने छु एक्लै
तिमी हाँस्नु आफ्ना हवेलीहरुमा
~ सुरेश सुबेदी ~
Suresh Subedi
मुसफिर थें मुसफिर छु मुसफिर भै रहन्छु म
तिमि बस्नु सँधै थिर भै र अस्थिर भै रहन्छु म
तिमि हुन्छ्यौ हराएकि कहीं टाढा मायाँ भन्दै
यता तिम्रो नयन बस्ने त तस्बिर भै रहन्छु म
~ त्रुपक ~
Trupak
म देख्दै छु उनको सबारी हुँदैछ
मेरै मुटु चोर्ने तयारी हुँदैछ
जहाँ चाह्यो उनको त्यहीं छुन सक्छ
अहो यो हावा अत्याचारी हुँदैछ
अहो प्यार धेरै गरेछौ चरामा
बसालेर नानाथरि पिंजरामा
तिमी को कहाँ के भनि कोहि नसोध्नु
कथा लेख्छु साथि कुटोले गह्रामा
~ कविराज भट्ट बिलौना ~
Kabiraj Bhatta Bilauna
फूल बेचेर मन्दिर अघि जल बेचेर
कोहि बाँची रहेछ जवानी पल पल बेचेर
वहाँ आज वातावरणको बिज्ञ हुनु भएछ
हिजो अस्ति हिन्नु हुन्थ्यो बनजंगल बेचेर
तपाईं उधारो खाए पछि तिर्न कहिले नजान्ने
बिचरा साउजी किन नहिनोस त पसल बेचेर
~ बरुण लामिछाने ~
Barun Lamichhane
भयो आगो टिपी हाल्ने झुलो जस्तै
गजल कस्तो बना यौ बारुलो जस्तै
कडा क्वामित हरुलाई नपच्ने भो
कुरो कोमल बनाऊ जाउलो जस्तै
ठुला हात्ती हरुको त्रास जंगल मा
भुवन सानो छ सानो किर्मुलो जस्तै
चुह्यो रे श्रोत साधन बीच बाटो मै
व्यवस्था मा कतै होला दुलो जस्तै
सँधै एउटै गुनासो श्रीमती ज्यु को
चुलो कहिले हुने होला चुलो जस्तै
दुख नभाको पिर नभाको मान्छे को छ र
जन्मिदै खुशी लिएर आको मान्छे को छ र
जति भए पनि पुग्दै नपुग्ने रैछ आमा
धन सम्पतिले अघाको मान्छे को छ र
~ मुक्त उदास ~
Mukta Udas
छिमेकीले अन्तरिक्षमा यान पठाउँछ
मेरो देशले खाडीमा जवान पठाउँछ
बिहे पछि भर्खर विदेश गएको छोरोले
आमा बिर्सन्छ श्रीमतीलाई समान पठाउँछ
~ गणेश गौतम ~
Ganesh Gautam
Australia
जस हुँदो हो अपजस हुँदो हो
त्यसैले यति धेरै बहस हुँदो हो
हर बिदामा बच्चाले यस्तो ठान्छ
आज पनि कुनै बिबश हुँदो हो
~ गणेश भट्ट अणु ~
Ganesh Bhatta Anu
मनमा फुराउ भाका जुराउ, मेरो गजल यो गाऊ है प्रिय
खै फेरी भेट होला नहोला, दिएर चिनो जाउ है प्रिय
देख्छु म एक्लै सबलाई त्यहाँ, एक म आएँ एक्लै छु यहाँ
न त रुख एउटा न छन् चरा नै, आँगन मेरो सजाउ है प्रिय
भन्छन सबैले माथि छ स्वर्ग, आकाश मात्रै देख्छु म माथि
जहाँ छ नेपाल स्वर्ग त्यहीं छ, देशको किरिया खाउ है प्रिय
ढुंगाको इश्वर बोल्यो कहिले, मन्दिरको ढोका खोलो कहिले
उपदेश दिने त पण्डित धेरै छन्, खुशी खबर सुनाउ है प्रिय
आउँ कसोरि तिम्रो बिहामा, कसले पठायो निम्तो मलाई
निम्तो त एकदिन आउँछ अबस्य, मेरो मलामी आउ है प्रिय
~ राम बहादुर पहाडी ~
Ram Bahadur Pahadi
बा आज चप्पल किनी दिनु पर्छ चप्पल छैन
बाबु पैसा यत्ति हो साँझ खाने चामल छैन
हाम्रो प्रेमको भबिश्य बाणी कसरि गरौँ प्रिय
मलाई आफ्नै जिन्दगिको त अड्कल छैन
तिर्थ जाने इच्छा नगर्नुस हजुर आमा
आज भोलि देबस्थल जस्तो देबस्थल छैन
हाम्रो गरि खाने भाँडो त्यै आरन त्यै घन हो
म सँग सिप छैन बाको पाखुरीमा बल छैन
~ लोकेश जलन ~
Lokesh Jalan
उ हिटलरको छोरो हो खुन सँग खेल्छ
कानुनको पहरेदार कानुन सँग खेल्छ
परिवारको खुशी देख्न विदेश हिँडेको हो
दिनमा सुर्य त रातमा जुन सँग खेल्छ
~ डिल्ली प्रसाद छत्कुली भाबुक ~
Dilli Prasad Chhatkuli Bhabuk
साहुजी नुन मसला तेल कम कम राखी दिनुस
घरमा बच्चाहरु छन् सिसा कलम राखी दिनुस
दुख देखे मात्र पनि उसले दुख बुझ्नेछ
उसको अगाडी दुखको अल्बम राखी दिनुस
मेरो देश छैन भनेर युवाहरु बरालिए
तेरो देश छँदै छ भनेर यहाँ भ्रम राखी दिनुस
भगवान छन् भने देखि भगवानलाई भन्नु छ
गरिबको झुपडीमा पनि कदम राखी दिनुस
***
कुनै ग्यारेन्टी छैन यो बिरामी अस्पताल पुग्छ
एम्बुलेन्स भन्दा अगाडी दौडेर काल पुग्छ
लोग्ने स्वास्नीको झगडामा पुगेको त ठिकै हो
घाट जस्तो पवित्र ठाउँमा पनि दलाल पुग्छ
~ बाबु त्रिपाठी ~
Babu Tripthi
बाबू त्रिपाठी
बा (२०६६),
शालिकहरुको देश (२०६९),
कैफियत संयुक्त संग्रह (२०७०),
कैफियत-२(२०७३)
मान्छेहरूको आफ्नै चाहना खराब छ
भन्न त भन्दछन् सब जमाना खराब छ
तीर हुन् की हुन् ती दृष्टि यो छातीमा गढ्दछन्
देख्दै छु आँखाहरू कै निशाना खराब छ
बाहिर हेर्दा एउटा भित्र छ अर्कै रूप
बुझ्नै छ गार्हो गार्हो बहाना खराब छ
शंका छ पिरतीमा शंका जता जतै
मिलौं सकिन्न मिल्न सिमाना खराब छ
~ कृष्णहरि बराल ~
Krishnahari Baral
|
डा. कृष्णहरि बराल Dr. Krishnahari Baral गजल: सिध्दान्त र परम्परा (२०६५) |
मिलन लम्साल 'नाविक'
Milan Lamsal Nabik
झापा, दमक
हाल: एरिजोना, अमेरिका
संलग्नता: नेपालीगजल.कम
परदेशीले पठायो सिर्फ बाडुली घरमा
रुपियाँ पठाऊछ भन्थे घरमुली घरमा
दाईजोमा के के आयो पछि थाहा होला
भर्खरै भित्रि एकि छन बेहुली घरमा
छन त घर छेउ मै बिजुलीको पोल छ
तर पनि बलेको छैन बिजुली घरमा
धुरीमा चढे पछि यस्तो आभाष हुन्छ
मेरो पनि रहेछ एउटा हिमचुली घरमा
हजार सबाल सोधेर हैरान बनाउछन्
बच्चा हरुले देख्नै हुन्न माऊसुली घरमा
~ नरेन्द्र बिहानी ~
Narendra Bihani
नरेन्द्र बिहानी
सुदुर पश्चिम
कैफियत२ संयुक्त गजलसंग्रह
उदाएका कलमहरू -सयुक्त गजलसंग्रह २०६९
प्रवासका अक्षरहरू २०७१
मेरो पिठ्यूमा घाउ छ भन्ने थाहा पाएको छ
कहिल्यै नआउने मान्छे आज धाप मार्न आएको छ
अरु कुनै बहाना पाएन छिमेकीले झगडा गर्ने
मैले कुखुरा छोडेको देखेर, मकै सुकाएको छ !
केही नखाईकन कस्ले काम गर्छ र यहाँ ?
तिम्रो मायाले पनि त मेरो मुटु खाएको छ !
सोच्नै नसक्ने ठाउँमा हुँदो रहेछ खुशी पनि
उसले घरको चाबी जुत्तामा भेटाएको छ !!
~ प्रदीप रोदन ~
Pradip Rodan
बरु सकिन्छ धार लगाएको छुरा गर्धनमा राख्न
तिमि फुटेको शिशा रैछौ सकिन धड्कनमा राख्न
क्रिम पाउडरको बजारमा दौडी रहेछ यो दुनियाँ
चालिस कटेको मुहारलाई बचपनमा राख्न
|
उद्धब ओड
बुढिनन्दा १, बाजुरा हाल:- युएई |
उज्यालोमा उज्यालो नै छरेको कत्ति मिल्दैन
यी फूलले फूल कै चर्चा गरको कत्ति मिल्दैन
नदी हरदम बगेकै छ हावा हरदम चलेकै छ
तिमीले बन्द छन् बाटा भनेको कत्ति मिल्दैन
~ जनक रसिक ~
Janak Rasik
धनगडी
जवाफ आएन सबाल खेर गयो
ऊ तिम्रो प्रेममा पागल बनेर गयो
रुन त रोएको हो त्यो मैन घरि घरि
कस्तो हो उसको आँसु जमेर गयो
हामीले साँटेको रुमाल जस्तै भो
हाम्रो सम्बन्ध पनि फाटेर गयो
~ संगीता थापा ~
Sangita Thapa
थाहा छैन म हिडेको बाटो कता छ
काँडामा पैताला धारमा गला छ
कस्तो नशा छ मदिरामा त्यो हिसाब छोड
कसैको एउटै तस्बिरमा त्यति नशा छ
नदेखाऊ सपना आकाशमा गुडको
चरीलाई जिन्दगि हाँगा मै मजा छ
बिन्ति मेरी प्रियाको मन नाच्यातिदिनु
त्यहाँ मेरो आधा जिन्दगिको कथा छ
~ दिनेश राज पुरी ~
(Dinesh Raj Puri)
हाँसो म बाट खोसी पिडा फरार हुन्छ
यस्तै भएर यो दिल जहिल्यै बिमार हुन्छ
एउटा जवान ढल्दा सब सकिए नसोच्नु
यो बीरको मुलुक हो अर्को तयार हुन्छ
वर्षा गरि नजरको दिल भित्र पस्न सक्छौ
एकै छिटाले मेरो रातो मुहार हुन्छ
बर्षौं पछाडी आयौ किरिया बसेको बेला
तनले नछोए के भो आँखाले प्यार हुन्छ
बदनाम गर्नु पहिले एउटा उपाय सोचे
बन्दि बनाए मात्र छोरो कुमार हुन्छ
गोर्खेको खुन छ मेरो पुरै नशा नशामा
गिद्दे नजरले हेर्ने उल्टै शिकार हुन्छ
छाला निकाल मेरो आमाको सल बनाउ
टुक्रा बचे नफाल्नु बाको ईजार हुन्छ
~ बसन्त ओली बसन्ती ~
Basanta Oli Basanti
छायाँदेवी–चेतनाथ गजल पुरस्कार: २०७८ (वसन्त ओली वसन्ती – बोई)
उसले निदाउनुको मजा सुनाई रह्यो
श्रोता भने पल पल निदाई रह्यो
विदेश गएको छोराले अझै पनि
चिट्ठी पठाए न पैसा पठाई रह्यो
आमाले बुच्चे कानले सुनी रहिन
रेडियो सुनको बिज्ञापन बजाई रह्यो
~ कृष्ण प्रसाद अर्याल ~
Krishna prasad Aryal
सिङ्गै आकाश पिंजडामा राख चरा रमाउदैन
चराले आकाश होइन पिंजडा मन पराउदैन
पानीमा डुबेर मरी रहेछन यहाँ माछाहरु
उसले पनि देखि रहेछ तर उ पत्याउदैन
जसले यो गीत सुनेको छ त्यो बहिरो भएको छ
तैपनि यो गीत नसुनी यहाँ कोहि निदाउँदैन
~ निरज भट्टराई ~
Niraj Bhattarai
डा. निरज भट्टराई
तिम्रो एक नजरमा यो दील बदलिन्छ
तिमी आयौ भने मात्रै महाफील बदलिन्छ
तिम्रो सुन्दरताको बयान यस्तो गर्न सक्छु
तिम्रो सामु जस्तो सुकै कुटिल बदलिन्छ
~ घनश्याम पथिक ~
Ghanshyam Pathik
फूलको कर्तब्य हो फुल्छ हिलोमा पनि भिरमा पनि
बाँकी उसको भाग्य सजिन्छ पाउमा पनि शिरमा पनि
तिमी हजार कि नोट थियौ महंगा महंगा ठाउँमा मात्रै रह्यौ
म सिक्का थिएँ ठाउँ पाएँ चिहानमा पनि मन्दिरमा पनि
त्यहि सानो कुराले तिमीलाई जिन्दगी भर दूर लग्यो म बाट
बहुत तागत हुँदो रहेछ नाथे एक धर्के अबिरमा पनि
~ सानु थपलिया ~
Sanu Thapaliya
बिर्तामोड, झापा
हाल: कतार
रुपमा त अप्सरा देखियौ तिमी
भित्र हेर्छु मन्थरा देखियौ तिमी
देख्नमा रमाईलो पुग्न दुर्गम
भिर बीच कन्दरा देखियौ तिमी
उ ज्यान दिन तम्सिएको छ एउटा प्रेमिकाको लागि
अब कसले दागबती देला चितामा आमाको लागि
~ सुशीला श्रेष्ठ ~
Sushila Sharestha
जितेन्द्र मल्ल
घर : तल्कोट, डोटी
हाल : सिड्नी, अस्ट्रेलिया
संयोजक/संस्थापक : मुशायरा परिवार, अस्ट्रेलिया
 |
| साभार: नेपाली गजल फेसबुक पेज |
सकिएन यो समस्याको हल पत्ता लगाउन
आमाको छातीको क्षेत्रफल पत्ता लगाउन
सिकेको छ मेरो घरमा गाई बस्तुले पनि
आमाको आइजाई चहल पहल पत्ता लगाउन
~रुपक बनबासी ~
Rupak Banwasi
होलान चाहना होलान गुनासाहरु
भएर पनि बोल्न सक्दैनन् ढुंगाहरु
किन चुँडीन्छन फूलहरु बारम्बार
किन गर्दैनन् प्रतिकार गमलाहरु
कि जाकुँ यी आदम खोरहरुलाई
कि जलाउँ कानुनका पिंजडाहरु
के लिएर जानु हुन्छ जाँदा तपाईं
के लिएर गए राजा महाराजाहरु
आज पनि आकाशमा बादल छैन
आज पनि मर्ने छन् चराहरु
एउटा यस्तो सपना देख्नु छ अब
त्यसपछि देख्नु नपरोस सपनाहरु
भोक मात्र लागे बच्चा रोई दिन्छ
चोट लाग्दा पनि रुँदैनन आमाहरु
बुझ्न खोज्छन सबैले सबैका कुरा
कसले बुझ्छ र कसका बाध्यताहरु
कि छ भन कि छैन भन मायाँ
भो बाँधी रहनु पर्दैन भूमिकाहरु
तिमि बिना कसरि बाँच्न सक्छु र म
के पानी बाँच्छन र माछाहरु
हरेक दिन जन्मिन्छन यहाँ अन्जान
हरेक दिन मर्छन यहाँ प्रतिभाहरु
~ रुपेश अन्जान ~
Rupesh Anjan
|
रोमाकर आचार्य कपिलबस्तु हाल: भारत |
गएछन जानेहरुले अवस्था नाजुक छोडेर गएछन
जान्न भन्नेहरुले पनि त मुलुक छोडेर गएछन
खालै बाट स्वाहा पारे महारथीहरुले यो देश
कुन प्रभुले कुन समयमा कस्तो सुख छोडेर गएछन
मध्य रातमा बास माग्न आएका थिए पुजारी
जाँदा घरको ढोकामा बन्दुक छोडेर गएछन
***
कुनै बेला एउटै मुटु बन्नेहरु कहाँ होलान
तँ बिना त बाँच्दैन म भन्नेहरु कहाँ होलान
आज गोलार्धमा एक्लै एक्लै बसी सोच्दै छु म
सँगै बसी हातका औंला गन्नेहरु कहाँ होलान
को को भए होलान यात्री, को पुगे हो गन्तब्यमा
पहिलो पटक प्रेम पथ खन्नेहरु कहाँ होलान
~ ऋषि सुदामा ~
Rishi Sudama
आज हिसाब गरौँ दिलको क्षति भएछ
पिडा कसको कम कसको बढी भएछ
याद आए तस्बिर हेर्नु भन्थिन उनले
तस्बिर कुरा बुझ्ने कहिले देखि भएछ
~ हिमाल सरोबर ठकुरी ~
Himal Sarobar Thakuri
न खबर छ बाटोको न खबर छ गाडी आउने
उही पुरानै खबर छ फेरी गाउँमा बाढी आउने
मेरो जस्तै छ घाइते मुटु तिम्रो जस्तै छ चुलेसी
को पागल छ यसरि बीच बाटोमा छाडी आउने
यो पागल दुनियाँमा कुन पागलले पागल बनायो
कुनै समय म पागल पनि विद्वान सँग बस्थें
~ कृष्ण बिरही अटल ~
Krishna Birahi Atal
त्यति कठोर कहिल्यै हुँदीनन आमा
तिमीले आमा लेख्नु हुन्थेन ढुंगामा
चुलोमा आगो सल्काउदै गर सिकिन्छ बाबु
भोलि आगो लगाउनु पर्छ मेरो चितामा
ठुलो भयो बिर्सियो सोच्दा हुन् काँडाहरु
अचेल मैले चप्पल लगाई रहँदा खुट्टामा
~ लक्ष्मन आजाद ~
Laxman Aazad
Laxma Raj Budha, Dailekh
आहा यार तिम्रो त घर पनि बजार जस्तो
कोहि किनिन कोहि बेचिन तयार जस्तो
यो बाटोमा जसले मुठ्ठी उठाएर हिड्न सक्छ
एक्लै पर्ला उ तर देखिन्छ हजार जस्तो
~ रावत ~
(Rawat)
जिन्दगी प्रेमको खेल खेलेर यसरि फर्कियो
भएको सबथोक दियो र आफु खाली फर्कियो
तिमीलाई पर्खदा पर्खदै म चिता सम्म पुगें
र तिम्रै पाउमा टाँ सिएर मेरो खरानी फर्कियो
तिमि हराएको बर्षौं पछि तिमि भेटिए झैं लाग्यो
जब तिम्रो ठेगाना नभेटी एर मेरो चिट्टी फर्कियो
बाँचु न्जेल केहि पाईन भनि मरेको मान्छेको
मलामी बनेर जीवन भरको उपलब्धि फर्कियो
~रसिक राज ~
(Rasik Raj)
चन्द्रमा आफैँ छँदैछौ पर्छ पाउडर लाउनु ?
ओठ मानोँ रक्त खस्ला पर्छ लाली लाउनु ?
क्या छ सुन्दर, क्या मनोहर क्या रसीलो भाविलो
नक्कले तिर्छी नजरमा पर्छ गाजल लाउन ?
रूप जसको छैन उसले गर्दछे शृङ्गार उति
अप्सराजस्ती तिमी छौ पर्छ टीका लाउनु ?
हार हीरा मात गर्ने दाँत-पंक्ति देख्तछु
कानमा व्यर्थ झुलाई पर्छ यारिङ् लाउनु ?
देहकै पसिना छ तिम्रो खुश्बू चल्ने मगमगी
भित्री चोलीको कुनामा पर्छ, अत्तर लाउनु ?
घुम्दछन् भौँरा सदा आए र जसका मुखमा
फूलको रङ्गी-बिरङ्गी पर्छ गुच्छा लाउनु ?
------
नजाने छुरी बर्सन्छन् हजारौँ, इश्कबाजीमा
र, जाने फूल बर्सन्छन् अनेकौँ, इश्कबाजीमा।
नजाने डुब्छ चुर्लुम्मै जवानी, जेलखानमा
र, जाने अप्सरा खोपी छ आफ्नै, इश्कबाजीमा
नजाने ज्यान नै जाने पचासौँ पर्छ धोखामा
र, जाने काखको मीठो सिरानी, इश्कबाजीमा
नजाने हुन्छ बदनामी, कलङ्की, दागी, दुनियाँमा
र, जाने प्राणको प्यारो सबैको, इश्कबाजीमा
नजाने सम्पत्ति, जीउ विनाशी बग्छ आँसुमा
र, जाने रत्नका माला गलामा, इश्कबाजीमा।
~ भीमनिधि तिवारी ~
Bhimnidhi Tiwari
भीमनिधि तिवारी
बयासी र बीस गजल-मेरी (वि.सं. १९९३)
मलाई सुर्यले लाली छरेको देश चाहिन्छ
मलाई काखमा चौरी चरेको देश चाहिन्छ
चमेली फुलमा कैहिल्यौ नआओस बारुदी गन्ध
मलाई बुद्धले मायाँ गरेको देश चाहिन्छ
फुटेको जिर्ण ऐनामा सयौं छायाँ नहोस माटो
मलाई पूर्ण ऐनामा सरेको देश चाहिन्छ
***
म हारें रुपमा तिम्रो जुनेली रात तिम्रै हो
- रचना: डा. देबी नेपाल , स्वर/संगीत: सुबास अगम
~ डा. देबी नेपाल ~
Dr. Devi Nepal
के लत बस्यो मलाई कहिले सुधार हुन्छ
एक दिन तिमि नबोल्दा यो दिल बिमार हुन्छ
साथी रहेछ दुःख हरपल सवार हुन्छ
सुख पाहुना रहेछन् छुट्टै हतार हुन्छ
पानी परेर धर्ती आकाश हुन्छ सुन्दर
धर्ती बनेर तिम्रो के नै बिगार हुन्छ रु
खोला नदी समुन्द्र जे नाम होस् न आखिर
अस्तित्व राखिराख्ने मात्रै किनार हुन्छ
~ प्रदीप मैनाली ~
Pradip Mainali
डा. प्रदीप कुमार मैनाली
Dr. Pradip Kumar Mainali
ऊ जितेर गई या हारेर गई
नतिजा आफैं तिर पारेर गई
हिजो निम्ता दिई बस्न दिलमा
आज काडेतारले बारेर गइ
प्रितीको यौटा फूल थियो बगैचामा
आकाशबाट असिना झारेर गई
बाच्दै त थिएँ घायल नै भए पनि
मुस्कानको छुरा रोपी मारेर गई
रोपेर प्रेमको फूल यो मेरो मनमा
हुर्काई अन्तै सारेर गई
पर्खिए मनको ढोका ऊघारि
भो भोलि भन्दै टारेर गई
~ पुरुषोत्तम ढुंगेल ~
Purusottam Dhungel
मन छ हँसाउ मन छैन रुवाउ आँखामा राखेर
कति हेर्छौ आँसु को तलाऊ आँखामा राखेर
मनको घनत्व नाप्न सकिन्न म रुमाल बनौंला
सारा पिडा पोख्नलाई आउ आँखामा राखेर
भित्ताको तस्बिर हेर्न पनि भित्ता पुग्नु पर्छ
छुट्टिदा एउटा तस्बिर लैजाउ आँखामा राखेर
~ अनुराग बम छेत्री ~
Anurag Bam Chhettri
मुगु
कम्ति इच्छा बोल्दैन कम्ति रहर बोल्दैन
जिब्रो बोल्दा भाग्य बोकेको खप्पर बोल्दैन
गाँस काटी काटी ब्याट्री नकिनौं न बा हामी
यो रेडियोले हाम्रो घरको खबर बोल्दैन
मेरा सयौं शेर कण्ठ सुनाउँछ मासु पसले
एक शेर मासु उधारो माग्छु दिनभर बोल्दैन
~ अमला अधिकारी ~
Amala Adhikari
डा. घनश्याम न्यौपाने 'परिश्रमी'
Dr. Ghanshyam Neupane Parishrami
यो मौसम ( २०५०)
घामको छहारी ( २०५२)
जून चुहेको रात (२०६०)
नभेटे ‘नि भेटे जस्तो लाग्छ जब तस्बिर हेर्छु ।
युगौँदेखि देखे जस्तो लाग्छ जब तस्बिर हेर्छु ।
जति भुलूँ भन्छु उति ताजा हुन्छन् यादहरू,
भित्र कतै रेटे जस्तो लाग्छ जब तस्बिर हेर्छु ।
किन कोरें हत्केलामा मैले अर्को नयाँ रेखा ?
रेखा सबै मेटे जस्तो लाग्छ जब तस्बिर हेर्छु ।
चिहाएर त्यो आँखामा हेर्न खोज्छु ‘रवि’ लाई,
बादलुले छेके जस्तो लाग्छ जब तस्बिर हेर्छु ।
~ रवि प्राञ्जल ~
Rabi Pranjal
|
रबि प्राञ्जल तारिदेउ न माझी दाइ (२०४८) उही बाढी उही भेल घामका झुल्काहरु |
तिमी भन्छौ अन्जुली भित्रै सिंगो सागर चाहिन्छ
यार सपना पनि आफ्नो हैसियत बराबर चाहिन्छ
म उडेको नजिक बाट देख्नलाई मात्र भए पनि
मेरा गोडा काट्नेहरुलाई अग्लो घर चाहिन्छ
मुस्किलले भेटिएकी हौ तिमी घृणा नै गरि राख्नु
एउटा दुश्मन त मलाई पनि जिन्दगी भर चाहिन्छ
~ ईश्वर दाहाल ~
Ishwor Dahal
ईश्वर दाहाल पाख्रिबास, धनकुटा हाल: कोरिया |
चिया बाँकी नै रह्यो चिया बोटमा अझै
रगत निर्यात हुन्छ एयरपोर्टमा अझै
सम्झिँदा मन पोल्छ निन्द्रा लाग्दैन मलाई
बहिनि निदाउछे गाउँको छाउ गोठमा अझै
~ खगेन्द्र अटल ~
Khagendra 'Atal'
|
खगेन्द्र प्रसाद आचार्य Khagendra Prasad Acharya |
सिंगारी पटारी सबेरै सबेरै
कहाँको सवारी सबेरै सबेरै
निशाना बनाई छ ताक्दै मलाई
अरे यो शिकारी सबेरै सबेरै
मिठो चाहनाको सँधै फुक्छ शंख
हरे यो पुजारी सबेरै सबेरै
न कोहि छ देख्ने न कोहि छ सुन्ने
नयनका जुवारी सबेरै सबेरै
तिमी टोक्न थाल्यौ नरम ओठ आफ्नै
बनाई सुपारी सबेरै सबेरै
|
शीतल गुरुङ Shital Gurung विधा: गजल, गीत संलग्नता: सचिव- गीतकार सङ्घ, नेपाल संयोजक- गीत, गजल र शीतल |
अतितको त्यो मधुर कहानी, तिमीले बिर्स्यौ मलाई थाहा छ
सँगै सहेको त्यो घामपानी, तिमीले बिर्स्यौ मलाई थाहा छ
मिलनको त्यो पहिलो रात बारे, नपत्याए चन्द्रलाई सोध
कुरै कुरामा भाथ्यो बिहानी, तिमीले बिर्स्यौ मलाई थाहा छ
हजुरको मनलेके भन्छ सुन्छु, भनि भुसुक्कै निदाई हाल्थ्यौ
मेरो छातीको को त्यो सिरानी, तिमीले बिर्स्यौ मलाई थाहा छ
~ जय गौडेल ~
Jay Gaudel
लौन आजै आँटौँ साईंला, लर्के जोबन साटौं साईंला
गाउँमा हल्ला चलि सक्यो, झट्टै डाँडा काटौँ साईंला
~ आवाज शर्मा ~
Aawaj Sharma
|
नाम: वाला अधिकारी / आवाज शर्मा इन्द्रेणी (२०७४) (छायाँदेवी–चेतनाथ गजल पुरस्कार बिजेता) |
महलले नसिकाए पनि सिक्नुस झुपडी सित
जस्तो कि प्रेम सिक्न सकिन्छ कलिला नानी सित
रगत भन्दा पनि महँगो सिन्दुरले सिउँदो भरेर
म अन्मिएँ घाँटीमा दाम्लो हातमा हतकडी सित
हिजो पनि जलेका थिए हिजो पनि नंग्याईएका थिए
आज पनि एक फरिया बगेर आयो नदी सित
~ आशा साकी बलायर ~
Aaasha Shaki Balayar
कुन फूल टिपी पठायो लौ त्यो पठाउनेले
बिर्स्यो सियो र धागो माला बनाऊनेले
बाँकी सबै बुझेको नाटक गरिरहेछन
यात्रा बुझेछ केवल खुट्टा गुमाउनेले
~ अनन्त अनुराग ~
के का लागि यो मरिहत्ते के छ तिमीसँग
मृत्यु बाहेक अर्को सत्य के छ तिमीसँग
दुनियाँ आफ्नो बनाउन दुईटा कुरा चाहिन्छ
रुपियाँ र योबन मध्ये के छ तिमीसँग
~ कमल संघर्ष ~
Kamal Sangharsh
कमल प्रसाद भण्डारी
प्रकाशित कृतिहरु:
खुडी गजलसङ्ग्रह (२०८०)
सडक गजलसङ्ग्रह (२०७३)
ज्ञानुवाकर पौडेल
खण्डहर नयाँ नयाँ (२०४९)
भैगो छाड तिम्रा कुरा नाना भाँती
झुटो बोल्नु भन्दा नबोलेकै जाती
बेग्ला बेग्लै बाटा कति बने कति
एक पल्ट हेरौं कमिलाको ताँती
~ ललिजन रावल ~
Lalijan Rawal
ललिजन रावल
केही गजलहरु (२०४२)
विरानो यो ठाउँमा (२०४६)
समकालीन नेपाली गजल ( २०४७),
सिरानीमा आँसु,
प्रतिनीधी नेपाली गजल (२०६५) (सम्पादन)
एउटा बन्द खाम
टहटह जून
यो भिंडलाई हाम्रो कहानी भन्न मन थियो
चल्छ तिम्रो मात्र मनोमानी भन्न मन थियो
म ढलेको बाटो हुँदै तिमी आउनु दुर्भाग्य हो
अरु कोहि आएको भए पानी भन्न मन थियो
फूल दिए पछि फूल जस्तै छौ भनेर फर्किएँ
फूल जस्तै ओइलीन्छ जवानी भन्न मन थियो
~ इन्द्र लम्साल ~
Indra Lamsal
यो भिंड उही हो यो जमात उही हो
देशको सलामीमा उठ्ने हात उही हो
तानीएर घरि घरि खिचिन्छ पछाडी
मान्छेहरुको रहरको मात उही हो
सिधालाई सिधा बाङ्गोलाई बाङ्गो देखाउँछ
जसरि हेरे पनि ऐना बात उही हो
उहिले पनि चाहान्थें अहिले पनि चाहन्छु
म उही हुँ मेरो औकात उही हो
~ सुमन स्मारिका ~
Suman Smarika
|
नाम : लक्ष्मण प्रसाद उपाध्याय (Laxman Prasad Upadhyaya) ठेगाना : ढकारी गा.पा.१, अछाम माता पिता : नन्नकला/लोकराज उपाध्याय शिक्षा : शास्त्री( संस्कृत व्याकरण) नेपाल संस्कृत विश्वविद्यालय। एम्. ए.( नेपाली ) त्रिभुवन विश्वविद्यालय । एल्.एल्.वि. ( अध्ययनरत) त्रिभुवन विश्वविद्यालय । पेसा : निजामती सेवा लेखन आरम्भ : २०६८ सालतिर प्रथम प्रकाशित रचना : विद्यागत योगदान : गजल, कविता, मुक्तक लेखन । प्रकाशित कृतिहरू : *गजल इन्देणी-२ (संयुक्त बहरबद्ध गजल सङ्ग्रह) , *महफिल-२ (संयुक्त गजल सङ्ग्रह) सम्मान/पुरस्कार : *मध्यपश्चिमाञ्चल गजल प्रतिष्ठानद्वारा २०७३ सालमा सम्मान । *साहित्य सङ्गम नुवाकोटद्वारा सङ्गम साहित्य सम्मान तथा पुरस्कार , २०७९ *धौलागिरी कला तथा साहित्य मञ्च, बाग्लुङद्वारा आयोजित राष्ट्रिय गजल प्रतियोगिता, २०७५ मा प्रथम *रोल्पा साहित्य उत्सव,२०७५ मा आयोजित राष्ट्रिय कविता प्रतियोगितामा द्वितीय *सदाबहार साहित्य समाज कञ्चनपुरद्वारा आयोजित राष्ट्रिय गजल प्रतियोगितामा द्वितीय *नेपाल विद्यार्थी सङ्घ केन्द्रीय कार्यसमितिद्वारा आयोजित राष्ट्रिय गजल प्रतियोगिता, २०८१ मा प्रथम आवद्धता : *पूर्व सहसचिव, अछाम गजल मञ्च, अछाम *सम्पादनात्मक पत्रपत्रिका : अछाम गजल मञ्चको सहसचिव हुँदा उषाकिरण नामक गजल प्रधान पत्रिकाको सह सम्पादक भई काम गरेको । |
धनिको महल हुन्छ महात्माको कुटी हुन्छ
तैपनि जम्मै मान्छेलाई धनि बन्ने हुट हुटि हुन्छ
तिमीलाई अर्कैको बिस्तारामा सर्बाङ्ग नदेख्नु थियो
कहिले काहीँ आँखाहरु बाट पनि त्रुटी हुन्छ
बन्नै लागेको सपनाको महल भत्किएर गयो
परीक्षा दिन जानेले कलम घरमै बिर्सिएर गयो
मैले हाम्रो हबिगत सम्झिए त्यो दृश्य देखेर
एक्ला भए किनारहरु जब तुईन चुहिएर गयो
शायद गरिब थियो मलाई छोडी जाने मान्छे
केहि दिन सकेन जाबो धोका दिएर गयो
~ महेश के भट्टराई ~
(Mahesh K Bhattarai)
चढ्नलाई पो गार्हो हुन्छ झर्नलाई भन्दा
बाँच्न अझै गार्हो रैछ मर्नलाई भन्दा
एउटा मुटु वारि पट्टि अर्को मुटु पारी हुँदा
वारि बस्न गार्हो पारी तर्नलाई भन्दा
~ घनेन्द्र ओझा ~
Ghanendra Ojha
हुन्छ कि हुँदैन उन्नति गजल लेखेर
हुन त कसैको हुदैन दुर्गति गजल लेखेर
चोर्नु पर्दैन ढाँट्नु पर्दैन र ठग्नु पर्दैन
के जोडिएला खै सम्पति गजल लेखेर
~ खगेन्द्र अधिकारी अमृत ~
Khagendra Adhikari Amrit
| मोतीराम भट्ट (1866-1896) मोती मण्डली |