जिन्दगी चाहिँ गरिरहन्छ किनाराको रहर
आफैँ नै बुझिदेओस् मलाई उसले ठान्छु
गरिरहन्छ ऊ चाहिँ सधैँ इशाराको रहर
जीवनको पल्लैछेउ पुग्ने अठोट हो मेरो
नत्र किन गर्थेँ र म अफ्ठ्याराको रहर
अनगिन्ति जङ्घारहरू एक्लै तरिरह्यो
गरेन मेरो मनले कहिल्यै सहाराको रहर
मनको मनमा के छ के छ, बुझेरै नसकिने
किन गर्छ यति बिघ्न अँध्याराको रहर
~ सानु शर्मा ~
Sanu Sharma
सानु शर्मा
अस्ट्रेलिया
केही शेरहरु
काँडालाई सोधी हेर शित किन फुलमै जम्छ
सुन्दरताको अनुरागी मान्छे मात्रै कहाँ हो र
· · ────── ꒰ঌ·✦·໒꒱ ────── · ·
भेट्न सक्छौ भने यदि नदुखेको ठाउँ,
चोट दिन चाहनेहरुलाई स्वागतछ !
· · ────── ꒰ঌ·✦·໒꒱ ────── · ·
ढुङ्गा सम्झेर तिरस्कार गर्दा नबिर्सनू,
मेरो पनि भाग्यमा मन्दिर हुन सक्छ ।
· · ────── ꒰ঌ·✦·໒꒱ ────── · ·
तिमी दुखाएर नथाक्ने, यो सहेर नथाक्ने
अटेरी छ यो मन पनि दुरुस्तै तिमी जस्तै ।
· · ────── ꒰ঌ·✦·໒꒱ ────── · ·
तिमी अझै धडकी रहेछौ म भित्र,
प्रमाण अरु के दिउँ, जिउँदैछु म ।
· · ────── ꒰ঌ·✦·໒꒱ ────── · ·
आफूसँग थिए सोच संयमित थिए,
उनीछेउ के पुगेथे, आवारा भए ।
~ सानु शर्मा ~
Sanu Sharma