जितेन्द्र मल्ल

न हावामा न धर्तीमा, न पानीमा छ अल्झेको
मेरो यो जिन्दगी यस्तो, कहानीमा छ अल्झेको

यता कोही उता कोही , जमानीमा छ अल्झेको ।
ल भन्नुस् को कहाँ कस्को, लगानीमा छ अल्झेको

जलायो क्रोधमा शायद, सोच्यो के कुन्नि फुर्सदमा,
अझै त्यो प्रेमको आगो, खरानीमा छ अल्झेको

शयनमा सम्झियो होला, नयनमा बर्सियो होला,
टलक्कै टल्कने मोती, सिरानीमा छ अल्झेको

जमाना सोच्छ जे सोचोस्, फरक पर्दैन केही नि,
सदा ऊ कृष्ण राधाको , रुमानीमा छ अल्झेको

~ जितेन्द्र मल्ल ~
Jitendra Malla

जितेन्द्र मल्ल 

घर : तल्कोट,  डोटी

हाल : सिड्नी, अस्ट्रेलिया

संयोजक/संस्थापक : मुशायरा परिवार, अस्ट्रेलिया

थप गजलहरु: 

बा आमा व्यस्त छन् दुनियाँ सँग कुरा गर्न 

बच्चाहरु बिवस छन् गुडिया सँग कुरा गर्न 

ए भित्ताहरुहो किन जिस्काउँछौ घरि घरि 

रहर नै त कहाँ हो र तकिया सँग कुरा गर्न

~ जितेन्द्र मल्ल ~
Jitendra Malla