प्रदीप रोदन

मेरो पिठ्यूमा घाउ छ भन्ने थाहा पाएको छ 

कहिल्यै नआउने मान्छे आज धाप मार्न आएको छ 

अरु कुनै बहाना पाएन छिमेकीले झगडा गर्ने

मैले कुखुरा छोडेको देखेर, मकै सुकाएको छ !

केही नखाईकन कस्ले काम गर्छ र यहाँ ?

तिम्रो मायाले पनि त मेरो मुटु खाएको छ !

सोच्नै नसक्ने ठाउँमा हुँदो रहेछ खुशी पनि

उसले घरको चाबी जुत्तामा भेटाएको छ !!

~ प्रदीप रोदन ~

Pradip Rodan

प्रदीप पाण्डे
गोरखा

प्रकाशित कृति:
मफलर (२०७९)

पुरस्कार:
छायाँदेवी–चेतनाथ गजल पुरस्कार (मफलर)