यस्तो लाग्छ नबोलेरै ज्यान जान्छ
बोलाउँ भने आत्मसम्मान जान्छ
दिनभर पनि टिकाउन सक्दैन के गर्नु,
छायाँलाई लम्बाई दिएर बिहान जान्छ
त्यता देखेपनि नदेखेझै छ निरमाया
यता तिमी भनेपछि परान जान्छ
रुपियाँको खाँचो यति सम्म बढेको छ
दूध बेच्नका लागि गाई दोकान जान्छ
मान्छेको भुल्ने आदत देख्दा यस्तो लाग्छ
मलामि नलगेरै लास चिहान जान्छ
~ गणेश भट्ट अणु ~
Ganesh Bhatta Anu
नाम : गणेश भट्ट
भिमसेन थापा-२
गोरखा
थप गजलहरु:
गजल १
सुध्रिन सकेन लेखेर विचार भित्तामा।
राखेर हेर्नुछ तिम्रो अनुहार भित्तामा।।
यता जिंदगी झुण्डी मात्र रहेको छ।
यता गुलियो भै सक्यो घार भित्तामा।।
कोठा बाट काम गर्न मिल्ने भएदेखि।
जिन्दगी सीमित छ चार भित्तामा।।
कहिले विज्ञापन बनेर पोष्टर बनेर।
आई पुग्छ यो देशको सरकार भित्तामा।।
यसै को सकिन्छ यसै को बहुलाउँछ।
यसै कसले ठोक्छ र निधार भित्तामा।।
गजल २
बिस्तारै मन चिया बगानबाट हरायो
एक लाहुरे बन्यो धरानबाट हरायो
छोरीको बिदाइ भएको छ आमाबाट
लगाई राखेको गहना कानबाट हरायो
मुग्लान गएकि यहाबाट हराएकाहरु
उस्लाई खोज्नुछ जो मुग्लानबाट हरायो
दिउँसो हात समातेर बजार घुमाईयो
छोरो राति ओच्छ्यानबाट हरायो
भेटिएलान बरु भुगोलमा हराउने हरु
उ त हरायो! जो तिम्रो मुस्कानबाट हरायो
गजल ३
जस हुँदो हो अपजस हुँदो हो
त्यसैले यति धेरै बहस हुँदो हो
हर बिदामा बच्चाले यस्तो ठान्छ
आज पनि कुनै बिबश हुँदो हो
~ गणेश भट्ट अणु ~
Ganesh Bhatta Anu