भीम विराग

मेरो सासमा तिम्रो मिलनको आश अझै बाँकी छ

मेरो मुटुमा मधुमासको विश्वास अझै बाँकी छ

भुल्न सकिन्छ कसरी धराकास मिलनको रात

जिन्दगीमा तिम्रो अँगालोको आभास अझै बाँकी छ

सागरमा डुबेर नै बित्यो सारा जिन्दगी जब

मरुभूमीय अतृप्तिको एहसास अझै बाँकी छ

आज भोलि मौसम खराब छ ए मेरो दु:खी मन

उनको र मेरो सुवासित मधुमास अझै बाँकी छ

तिम्रो नाम लिएर बाँचेकोछु हरेक धड्कन

यो ओठमा तिम्रो अधरको सुवास अझै बाँकी छ

कति पीडा, कति हुर्मत तिरस्कार सहनु पर्यो

फेरि पनि जिउँदोछु भन्ने कटुमास अझै बाँकी छ

~ भीम विराग ~

Bhim Birag

भीम विराग (बि.सं .१९९१-२०६८)

भीम विरागका गीत गजल (२०५७)