भरियाको पसिना पुछी दिने मन छ
मलाई पिपल बनेर उभिन मन छ
देशको सिमाना नाघ्ने बेलामा
नदीहरु भन्दै थिए रोकिन मन छ
च्यात्ने हरुलाई पनि पछुतो होस्
मलाई रुपियाँ बनेर च्यातिन मन छ
म प्रेमी हुँ मलाई अझै प्रेम गर्न मन छ
जस्तो भाँचिएको खुट्टालाई दौडिन मन छ
***
अध्याँरो हुन्छ बेलुकि, लगी दिनुहोस
गाउमा फर्किदा टुकि, लगी दिनुहोस
बा आमालाई मेरो खबर भए पुग्छ
बहिनि छ यो पटुकि, लगी दिनुहोस
सात समुन्द्र पारि पुगे मेरा मान्छेहरु
देशमै छुट्यो ढुकढुकि, लगी दिनुहोस
त्यो सानो नातिको मुख हेर्ने रहर छ
आश्रममै पो मर्छुकि, लगी दिनुहोस
घरमा खुशि छैन भन्दै रुदै थिए नानिहरु
रङ्गिचङ्गि बेलुन फुकि, लगी दिनुहोस
***
बाटो काट्यौँ बाटोले - आगन काट्यो
अनि देश काट्ने औलाले रिबन काट्यो
खै कस्तो आन्दोलनको तयारि हुदै छ
अभ्यास हो भन्दै उस्ले गर्धन काट्यो
लाग्छ, बुहारिेको चलखेल सुरु भयो
छोराले पहिलो पटक बचन काट्यो
जवानी सरकार,सरकार भन्दै काट्नेछ
माटो खाएर भर्खर बच्चपन काट्यो !
तरबार जस्तै रहेछ तिम्रो बोली पनि
कतै सम्बन्ध काट्यो कतै मन काट्यो
~ राम अबिरल बिष्ट ~
Ram Abiral Bista