सरस्वती 'प्रतिक्षा'

कहिल्यै नडुब्ने गरी उदाएको मनभित्र घाम छ एउटा 

समयले कहिल्यै मेट्न नसक्ने मनभित्र नाम छ एउटा

बिर्सन्छु बरु आफैँलाई बिर्सन सक्दिनँ उसलाई 

सम्झना हो सम्झनाकै मनभित्र लाम छ एउटा

सर्त छैन पाउनै पर्छ नि शर्त माया गरिदिन्छु 

मायाकै हस्ताक्षरले भरिएको मनभित्र खाम छ एउटा

मैलेजस्तै मलाई पनि सम्झन्छ होला ऊ पनि 

विस्वासै विश्वासले सजिएको मनभित्र धाम छ एउटा

नदेखे पनि यी आँखाले छामेकै हुन्छन ढुकढुकीहरुले 

जता छाम्यो उतै ऊ मनभित्र गाम छ एउटा

~ सरस्वती 'प्रतिक्षा' ~

Saraswati Pratikshya

नाम: सरस्वती लालचन (Saraswati Lalchan)

साहित्यिक नाम: सरस्वती प्रतिक्षा

पोखरा 

नथिया उपन्यास (२०७४ ) 

स्व उपन्यास (२०८१)