हुनत त्यो रातको झन् धेरै कहानी हुन्छ ।
झिसमिसे हुनासाथ त्यो सबै खरानी हुन्छ ।
जब आँखा खुल्ला लिएर एकान्तमा पुग्छु
मुटुमा उनको यादको आफ्नै मनोमानी हुन्छ ।
पीडाले पटक पटक नछोडेपछि लागेको हो
चोटको पनि प्रायः प्रेम गर्ने बानी हुन्छ ।
उनको यादमा यसरी यसकारण जलेकी हुँ
सपना सँगै वाचा कसमहरू सिरानी हुन्छ ।
पुरानो घाउ बल्झेर दुखिरहँदा अम्बिकालाई
छाती भित्र उनको तस्वीर नयनमा पानी हुन्छ।
~ अम्बिका कार्की "अमु"~
Ambika Karki "Amu"
अम्बिका पोख्रेल
सर्लाही, हाल चितवन