गोर्खे साइँलो

सद्भावना कायम गर ठूलो पारी छात्ती
जनता भन्छ हत्या-हिंसा गर्नछाड साथी ।

धेरै मरे नेपालमा सिधा-सादा जनता
अझै पनि मौका छोपी नबनिदेऊ घाती ।

राष्ट्र प्रेमी बन्न सिक अहंकार बिनाको
रक्तपातमा बिश्वास गरे पुग्ने छैनौ माथी ।

मानवताको सेवा गर नेपाली हौ भने
मकुण्डोले मुख छोपी किन हिड्छौ राती

गोर्खे भन्थ्यो सबैमिली मनव सेवा गरौँ
समाजमा मानवको सेवा गर्नु जाती ।

(मधुपर्क २०६५ बैशाखमा प्रकाशित )

~ गोर्खे साइँलो ~

Gorkhe Sainlo

ऋषिप्रसाद लामिछाने

ठेगाना: नारायणगढ, चितवन 

संलग्नता: पल्लव साहित्य पल्लव, अध्यक्ष