मलाई भयो कस्तो कस्तो लाज मायालु
मौका साइत मिलाएर आए के हुन्थ्यो
कल्ले आउन भन्यो तिम्लाई साँझ मायालु
परेवाझैँ निर्दोषी र सोझी देखिँदा
काँ मिल्यो र मैले हुन बाज मायालु
बसाउन गुन्द्री काम्लो छैन गलैँचा
बस त नि यो मुटुको माझ मायालु
तिम्रो मेरो मेरो तिम्रो दुइटै मुटुमा
पालैपालो गरौँ न त राज मायालु !
~ रमेशचन्द्र घिमिरे ~
Ramsh Chandra Ghimire
|
नाम : रमेशचन्द्र घिमिरे ठेगाना : भोर्लेटार, लमजुङ पेसा : प्राध्यापन विध : कविता, गीत, गजल, बालसाहित्य रमेशचन्द्र घिमिरे चर्चित बाल साहित्यकार हुनुहुन्छ । |
थप गजलहरु
गजल १
कोही भन्छन् हीरा अनि सुन पाए पुग्छ
कोही भन्छन् खुर्सानी र नुन पाए पुग्छ
लक्ष्य उँचो हुनेहरू के भन्दछन् भने -
आकाशको चन्द्रमालाई छुन पाए पुग्छ
मान्छेपिच्छे लक्ष्य फरक सोचाइ किन फरक ?
असमानताको फोहोर यो धुन पाए पुग्छ
मानवता पाखा लाग्दै गएको छ अचेल
मान्छेबाट मान्छेले नै गुन पाए पुग्छ
तिमी भन्छ्यौ - अरूभन्दा ठूलो बन्नू तिमी
यो रमेशलाई मान्छेजस्तै हुन पाए पुग्छ ।
· · ────── ꒰ঌ·✦·໒꒱ ────── · ·
गजल २
कति कामले किन आयौ आज मायालु
मलाई भयो कस्तो कस्तो लाज मायालु
मौका साइत मिलाएर आए के हुन्थ्यो
कल्ले आउन भन्यो तिम्लाई साँझ मायालु
परेवाझैँ निर्दोषी र सोझी देखिँदा
काँ मिल्यो र मैले हुन बाज मायालु
बसाउन गुन्द्री काम्लो छैन गलैँचा
बस त नि यो मुटुको माझ मायालु
तिम्रो मेरो मेरो तिम्रो दुइटै मुटुमा
पालैपालो गरौँ न त राज मायालु !
~ रमेशचन्द्र घिमिरे ~
Ramsh Chandra Ghimire