सुरेन्द्र खौलराठी

कति सम्म टिक्छ तिम्रो त्यो घमण्ड र सान हेरौँला।
कस्तो हुन्छ तिम्रो त्यो हुनेवाला खानदान हेरौँला।

मलाई थाहा छ, म जत्तिको तिमि पाउँदै पाउँदैनौ,
कहिले सम्म गर्छौ यसरी मलाई हैरान हेरौँला।

पहिले यता आयौ र अहिले उता गयौ, धोका दियौ
कस्ता हुन्छन तिम्रा मेरा ति भावी सन्तान हेरौँला।

बितेका कुरा कसैलाई नभन्नु भन्दै टाढा भयौ
छनकि छैनन् यो कोठामा भित्ताका कान हेरौँला।


~ सुरेन्द्र खौलराठी ~

Surendra Khaulrathi

सुरेन्द्र खौलराठी
महाकाली नगरपालिका -४, दार्चुला
पेसा: शिक्षण (भौतिक विज्ञान शिक्षक)
मोबाइल: ९८४९६९७८८९

थप गजलहरु

तिम्रै झल्को दिन्छन पहाडका यी तरेलीहरु 

तिम्रै बोली सुनाउँछन् संखुवाका सुसेलीहरु 

गोधुली साँझमा पनि टोलाउँछु क्षितिज हेर्दै, 

बिरानो लाग्छ्न अचेल आफ्नै यी संहेलीहरु 

बस्न मन छ एक्लै तिम्रो काखको चौतारीमा 

छोडी आउनु तिमिले तेतै सपनीका रखेलीहरु 

मन येसै रुमल्लिन्छ कल्पनाको जङ्गल भित्र 

छाँयाझैं पछ्याउँछ्न सम्झनाका नागबेलीहरु 

~ सुरेन्द्र खौलराठी ~

Surendra Khaulrathi