मनु ब्राजाकी

कसैलाई डढेलो नै दियो जस्तो लाग्छ 

यस्तो दियो घर भित्रै थियो जस्तो लाग्छ 

थाप्लो माथि तेर्सिएको तरबार पनि 

कसैलाई भने सानो सियो जस्तो लाग्छ 

उज्यालो त भयो तर देखिंदैन बाटो 

अन्धाहरुले नै गर्या चियो जस्तो लाग्छ 

जिन्दगिको जुवा खेल्न जान्दै जानिएन 

नजान्नेले खेल्या डण्डी बियो जस्तो लाग्छ 

~ मनु ब्राजाकी ~ 

Manu Brajaki

चेतमान सिंह भण्डारी  Chetman Singh Bhandari (1942-2018)