कमल अर्याल

नदीको नि जुनदिन ,हतारो सकिन्छ 
किनाराहरूको ,उज्यालो सकिन्छ 

म बेहोसमा छु , गुनासो नगर्नु 
गुनासाहरूको , गुनासो सकिन्छ 

मलाई नसोध्नु ,कहाँको सफर हो 
न यात्रा सकिन्छ, न बाटो सकिन्छ 

पीडा बिर्सिएर ,तिमी मुस्कुराउ
पुगी टाकुरामा ,उकालो सकिन्छ 

खुशीले नभन्नु , खुकुरी मित्र पाएँ
जहाँ काटिएर , अचानो सकिन्छ 

~ कमल अर्याल ~
Kamal Aryal 

नाम : कमलप्रसाद अर्याल (Kamal Prasad Aryal) साहित्यिक नाम : कमल अर्याल माता / पिता : बालकुमारी / रामप्रसाद अर्याल जन्मस्थान : अमराई, मैदी, धादिङ (हालको ज्वालामुखी गाउँपालिका ३, धादिङ) स्थायी ठेगाना : रत्ननगर नगरपालिका ३, चितवन सम्पर्क: ९८४१४३९७४०, इमेल kamalaryal2016@gmail.com शैक्षिक योग्यता : स्नातक पेसा : व्यवसाय संलग्नता : – कोषाध्यक्ष, वाल्मीकि साहित्य सदन, चितवन – सदस्य, वाङ्मय परिषद्, रत्ननगर, चितवन – अध्यक्ष, काव्यकुञ्ज साहित्य प्रतिष्ठान, रत्ननगर, चितवन – आजीवन सदस्य, हाम्रो मझेरी साहित्य प्रतिष्ठान – आजीवन सदस्य, पल्लव साहित्य प्रतिष्ठान – आजीवन सदस्य, गजलमञ्च चितवन – आजीवन सदस्य, कालीगण्डकी साहित्य समाज, चितवन – सदस्य, चितवन साहित्य परिषद्, चितवन – जिल्ला सदस्य, नेपाली लेखक संघ, चितवन – जिल्ला सदस्य, विश्व हिन्दु महासंघ, चितवन   पहिलो रचना : गरीबको आँसु (गद्य कविता) पहिलो गजल रचना : रिसाउँदा (वि.सं. २०५३) लेखनको विधा : कविता, कथा, नियात्रा सर्वप्रिय उपविधा : गजल प्रकाशित कृतिहरू : – इ–प्रतिनिधि नेपाली गजलहरू (संयुक्त गजलसंग्रह÷२०७०) – हैसियत २ (संयुक्त गजलसंग्रह÷२०७१) – तिमी आउनुअघि (गजलसंग्रह÷२०७१) – अक्षरहरूको पिरामिड (संयुक्त गजलसंग्रह÷२०७२) – तिमी आएपछि (गजलसंग्रह÷२०७३) – शब्दशिविर (संयुक्त गजलसंग्रह÷२०७४) – लौरो (गजलसंग्रह÷२०७५) – उत्तरकी अप्सरा (यात्रासाहित्य÷२०७५) – राष्ट्रिय बहरमाला (संयुक्त गजलसंग्रह÷२०७७) सम्पादन : – सम्पादक, सम्प्रेषण साहित्यिक पत्रिका (सामुहिक सम्पादन) – प्रधान सम्पादक, निकुञ्ज साहित्यिक पत्रिका (सामुहिक सम्पादन) सम्मान÷पुरस्कार : – गजलरत्न पुरस्कार, हाम्रो मझेरी साहित्य प्रतिष्ठान, भरतपुर, चितवन (तिमी आउनुअघि गजलसंग्रहका लागि) – सिर्जन साहित्य सम्मान, सिर्जन साहित्य प्रतिष्ठान गैँडाकोट – साहित्य सम्मान, नमस्ते साहित्य परिषद्, ओखलढुङ्गा – वाल्मीकि साहित्य सम्मान २०७६, रत्ननगर, चितवन – स्रष्टा सम्मान २०७६, रत्ननगर नगरपालिका, चितवन । – द्वारिका नेपाल गजल स्मृति पुरस्कार २०८०, गजलमञ्च, चितवन । विशेष अभिरुचिको क्षेत्र : लेखन तथा भ्रमण गजलमा गरेको योगदान : गजलका नव सर्जक तथा स्थापित गजलकारहरूलाई एकै मञ्चमा राखेर गजलको उत्थानमा प्रभावकारी भूमिका निर्वाह गरेको । साहित्य बारे धारणा : साहित्य मन बहलाउने माध्यम हो । यो जीवन यात्राको प्रमुख साथी पनि हो । गजल बारे धारणा : गजल गेयात्मक उपविधा हो । यसको वैशिष्ट्य सङ्गीतका माध्यमबाट अझ बढी खुल्छ । मुलामय भाषाशैलीमा प्रकटित हुने गजललाई प्रतीकात्मकता र ध्वन्यात्मकाले अझ स्तरीय बनाउन मदत गर्दछ । सरलता र सहजता गजलका प्राण हुन् । अर्थ तथा संरचनाको विचलनले गजलको स्तरीयतालाई बढाउँछ ।