जीवराज बुढाथोकी

गरौं र के म सम्झना, मरेर गै सकेपछि 
टिपौं र फूल आज के? झरेर गै सकेपछि 

कथा सरी छ सम्झना, किनारमै सुसाउने,
सुनाउँ के तिमी नदी, तरेर गै सकेपछि 

गर्यौ कुरा हरेक दिन, रहेछ सम्झनै ठुलो,
अनर्थ भो नि नाटकै, गरेर गै सकेपछि 

बुझाउनू बुझेर जाे, दिमागमा सजाउँछ,
गराैं र याद इज्जतै, छरेर गै सकेपछि 

न सम्झनै न विर्सनै, छ "राज" नै कहाँ अब,
बुझेर आँसु नैनमा भरेर गै सकेपछि 

(बहर: 1212 1212 / 1212 1212)

~ जीवराज बुढाथोकी ~
Jeeva Raj Budhathoki

जीवराज बुढाथोकी
सल्यान
हाल: काठमाडौ