भक्ति प्रसाद पौडेल

जीवनयात्रा साथीविना थाल्न सकिन्न
साथी फेरूँ पनि भनिहाल्न सकिन्न

साथी आफ्नो सोचजस्तो कहाँ मिल्ला र !
छानीछानी रूपगुण चाल्न सकिन्न

चारैतिर चाहारेर राम्रो खोजे नि
धपक्कै छ रूप र बोल्न सकिन्न

ऐनाले नि देखाउँछ नमिलेको रूप 

नमिल्नेती अङ्ग झिकी फाल्न सकिन्न

औंठी हार फेरी फेरी लाउन मिले झैँ
मानिसलाई सुनजस्तो गाल्न सकिन्न

~ भक्ति प्रसाद पौडेल ~

Bhakti Prasad Paudel