नारद निठुरी

 हाँसोको मुल्य छैन यहाँ आँसुको अर्थ छैन

ढलेको छ एउटा जीवन उठाउनलाई खर्च छैन

फटाहा र भ्रष्टहरुको बोला बाला चलिरह्यो

इमान्दार र सोझाहरुको कतै पनि चर्चा छैन

रुघा-खोकी निको पार्न बिदेसिन्छन् नेताहरू

गरीबलाई अस्पतालमा औसधीको पर्चा छैन

सुनखानी तामाखानी नेपालमै छ जताततै

खोजिगर्ने जाँगर अनि भेटाउने खर्च छैन

देशका लागि मर्न पनि तयार हुन नसक्नेले

जन्म लिनु कोखबाट यसको कुनै अर्थ छैन ।

~ नारद निठुरी ~

Narad Nithuri

नारद निठुरी 

चहर्याइरहेका घाउहरू (२०५८)