92 नेपाली गजल - Nepali Ghazal
  • प्रेमलाई औकातमा हेरिन्छ तराजुमा जोखिन्छ

लेखकःसुरेश नाचीज 3335 पटक पढिएको:

प्रेमलाई औकातमा हेरिन्छ तराजुमा जोखिन्छ
प्रेम गरिन्छ आजकल अनि प्रेमले नै दुखिन्छ

बाटोले यात्रीलाई कहिल्यै पनि बताएको छैन
यो बाटो हिँडेपछि आखिर कहाँसम्म पुगिन्छ

देखेँ त्यो सडक अझै उस्तै उखडबाखड रहेछ
हो केही चीजहरु गएर हेरेपछि मात्र देखिन्छ

बर्सौँ बेमौसमको ठानिएला नबर्सौँ अझ पीडा
किताबको पन्नामा जब शेर र फूल भेटिन्छ

ऊ त मेरो लागि बिल्कुल अलग छ अरुभन्दा
मलाई थाहा छ खोला बगेर सागरमा मिसिन्छ

 

सुरेश नाचीज

  • जीब बिज्ञान अध्ययन - पाखा-पखेरामा 
    झनता माध्यामिक बिध्यालय
     
    गोरखा नेपाल !
  •