40 नेपाली गजल - Nepali Ghazal
  • एकपटक फेरि तिमीलाई मन पराउन मन लागेको छ

लेखकःबिप्र 4267 पटक पढिएको:

एकपटक फेरि तिमीलाई मन पराउन मन लागेको छ
जसरी पुरानो एक गजल फेरि  दोहोर्याउन मन लागेको छ

जहिल्यै छानो मुनिको मुनि बस्न सिकाए ठुलाले किन हो !
मलाई  भने चरो समाएर फेरि उडाउन मन लागेको छ

ती पुराना दिनका किस्सा तिमीलाई भनौंला कुनैदिन, पख !
साँच्चै घरको निदालमा भाइको चप्पल लुकाउन मन लागेको छ

हुने खाने पनि देखियो हुँदा खाने पनि भेटायो शहरले
अब मेलामा कसैको  बच्चा हराएझैँ  हराउन मन लागेको छ

 

बिप्र